Provimi Pranues (Graz)

Udhëzime për provimin pranues dhe transferin anësor në Universitetin e Mjekësisë në Graz.

Studentët që dëshirojnë t'i fillojnë/vazhdojnë studimet në Universitetin e Mjekësisë në Graz duhet t'i ndjekin këto udhëzime.

Terminet dhe regjistrimi

  • Regjistrimi online: afati për provimin pranues hapet çdo vit në fillim të muajit shkurt ose mars.
  • Pagesa: bëhet në fillim të muajit shkurt ose mars.
  • Provimi pranues: organizohet një herë në vit, të premten e parë të muajit korrik.
  • Rezultatet: publikohen online 4 javë pas provimit pranues.
  • Regjistrimi përfundimtar: në gusht dhe fillim shtatori, për studentët që kanë përfunduar provimin me sukses.

Transferi anësor në Universitetin e Mjekësisë në Graz

Aplikantët që tashmë studiojnë Mjekësi ose Stomatologji në një institucion arsimor në Kosovë dhe kanë të fituara 180 pikë krediti ECTS, mund të aplikojnë për vazhdimin e studimeve në Universitetin e Mjekësisë në Graz nëpërmjet transferit anësor.

Të gjithë aplikantët që shprehin dëshirë për një transfer të tillë duhet të kenë njohuri të gjuhës gjermane dhe t'i nënshtrohen një testi që organizohet një herë në vit në Universitetin e Mjekësisë në Graz.

Regjistrimi për transfer bëhet online. Nevojitet vërtetimi që dëshmon posedimin e 180 ECTS (i përkthyer dhe i vërtetuar), si dhe pagesa në vlerë prej 110 €.

Numri i vendeve të disponueshme për transfer anësor për vitin akademik 2022/2023 ishte, sipas vendimit të rektoratit: dy vende për Mjekësi të Përgjithshme dhe asnjë vend për Stomatologji. Numri i vendeve për vitet pasardhëse ndryshon çdo vit — kontrollo linkun zyrtar për informacion të përditësuar.

Lidhje të dobishme